Татар-информ
Температура рекордын Казанның берьюлы берничә метеостанциясе теркәгән
Казанның берничә метеостанциясендә температура рекорды теркәлде.
Шимбә көнне, 29 ноябрьдә, Казанның берьюлы берничә метеостанциясе температура рекордын теркәде. Бу хакта Татарстан Гидрометеорология үзәге хәбәр итә.
«Казан» метеостанциясе мәгълүматларына караганда, бу көнне һаваның максималь температурасы +5,8 градус тәшкил иткән, «Казан-Аэропорт» һәм «Казан-Сокол» авиация метеостанцияләрендә +6 градус тамгалары теркәлгән.
29 ноябрьдә һава температурасының алдагы абсолют максимумы «Казан» метеостанциясендә 1977 елда теркәлгән һәм +5 градус тәшкил иткән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
