11 татарстанлы яңа җәмәгать судьясы вазифасына билгеләнде

Бүген Татарстан Республикасы Дәүләт Советының утырышында яңа җәмәгать судьяларын сайлау мәсьәләсе каралды. Кандидатларны тәкъдим итүче булып Татарстан Югары суды рәисе Азат Гыйльметдинов чыгыш ясады.

Ул билгеләп үткәнчә, барлык кандидатлар тикшерү процедураларын уза һәм лаеклы дип табыла. «Аларның барысы да җәмәгать судьясы вазифасына туры килә. Аларны сайлау өчен бернинди каршылык та юк», – диде Азат Гыйльметдинов.

Шулай итеп, өч еллык вәкаләтләр белән түбәндәге затлар җәмәгать судьясы итеп расланды:

· Гадел Фәттахов (Әгерҗе районы, 1нче суд участогы)
· Гөлназ Азнабаева (Әлмәт районы, 5нче суд участогы)
· Татьяна Чапова (Әлмәт районы, 7нче суд участогы)
· Рөстәм Гайнетдинов (Буа районы, 1нче суд участогы)
· Энҗе Сибгатуллина (Казан, Вахитов районы, 3нче суд участогы)
· Ләйсән Шакирова (Түбән Кама районы, 7нче суд участогы)
· Елена Титова (Чистай районы, 1нче суд участогы)

Вәкаләтләре чикләнмәгән булып түбәндәге җәмәгать судьялары билгеләнде:

· Зөлфия Низамиева (Азнакай районы, 2нче суд участогы)
· Любовь Кобленц (Әлмәт районы, 2нче суд участогы)
· Руслан Гайсин (Зәй районы, 3нче суд участогы)
· Арсений Әмиров (Казан, Яңа Савин районы, 10нчы суд участогы)