Көрәш буенча Әлмәт районы беренчелеге узды

Әлмәт "Ак бүре" көрәш Федерациясе  2011-2012, 2013-2014 нче елгы яшь усмерләр арасында Әлмәт районы беренчелеге уздырды.

19 үлчәү авырлыгында 115 бала көч сынашты. Катнашучылар саны күп булу сәбәпле ярышлар кичке дүрттә башланып, төнге унга кадәр барган. Яшь буынның көрәш белән кызыксынып, әти-әниләре, тренерлары белән ял көнне ярышларга килүләре, әлбәттә, матур күренеш. 

Җиңүчеләргә дипломнар һәм акчалата премияләр тапшырылды. Ярышлар "Татнефть" Хәйрия фонды финанс ярдәме белән үткәрелде.

Рәмилә Хәмидуллина