Әлмәттә «Гаилә докторы» гомуми практика табибы офисында капиталь ремонт үткәрелде

 Әлмәт район үзәк хастаханәсенең «Гаилә докторы» гомуми практика табибы офисында капиталь ремонт үткәрелде. Ремонт эшләре кысаларында офис фойесында идән  алыштырылды, яңа ишек конструкцияләре урнаштырылды, кабинетларга линолеум җәелде, эчке бүлмәләргә косметик ремонт ясалды. 

«Гаилә докторы» медицина учреждениесе районның 7984 кешесенә хезмәт күрсәтә. Офисның яңартылган интерьеры пациентлардан уңай бәяләмәләр алды.

Әлмәтле Татьяна Макаровна башкарган эшләре өчен рәхмәтен белдерде: «Хәзер бик уңайлы, чиста һәм матур. Пациентларга да, персоналга да уңайлы. Без үз проблемаларыбыз белән киләбез, шуңа күрә тирә-юньнең күзләрне шатландыруын телибез. Молодцы – бик шәп эш!  Элеккегә караганда күпкә яхшырак». 

Эшләр «Дәвамлы һәм актив тормыш» милли проектының сәламәтлек саклауның беренчел звеносын модернизацияләү программасы кысаларында башкарылды.