Яңа билгеләү

13 октябрьдән районның мәдәният идарәсе җитәкчесе вазифасына Роза Алмас кызы Галиева билгеләнде. Роза Алмас кызы элек Актүбә шәһәр тибындагы бистәне җитәкләгән һәм Азнакай районы башлыгы урынбасары да булып эшләгән. - Роза Алмас кызы административ вазифаларда зур тәҗрибәгә ия. Аның идарә итү күнекмәләре һәм җаваплы карашы районыбызның мәдәни тормышын уңышлы үстерүгә нигез булыр дип ышанам, - дип таныштырды яңа җитәкче белән дүшәмбе киңәшмәсендә район башлыгы Гүзәл Хәбетдинова. Роза Алмас кызына яңа урында уңышлар, илһам һәм югары эш нәтиҗәләре теләп калабыз.