Әлмәттә Сабитовларның алтын туйлары гөрләде

Әлмәт ЗАГСында 5 декабрьдә алтын юбилярлар Сабитовлар Әбүзәр Нәҗип улы һәм Галия Хаҗи кызын котладылар. 

Сабитовлар гаиләсе 1975 елның 5 декабрендә оеша. Аларның ике балалары бар: кызлары Гүзәл һәм уллары Марат. Бүгенге көндә аларның биш оныгы бар. Өч оныгының үз гаиләләре бар. Сабитовларның юбилей елында оныгының кызы Эмилия туа.
Юбилей чарасында балалар, сыйныфташлар, шулай ук «Система-Сервис» профкомы рәисе урынбасары Илдус Хәниф улы Камалов катнашты. Юбилей уңаеннан ир белән хатынның исемнәре Әлмәт шәһәренең никахлашу сараеның юбилярлар мактау китабына кертелде.