Әлмәт районының II шәһәр инклюзив балында сәламәтлек мөмкинлекләре чикләнгәннәр дә катнашты

Бу көннәрдә балалар һәм яшүсмерләр иҗаты үзәгендә чын әкият атмосферасы хөкем сөрде.  Биредә Әлмәт муниципаль районының II шәһәр инклюзив балы — чиксез мөмкинлекләре булган балалар катнашында уникаль вакыйга узды. 
Әлеге проект-бәйрәм генә түгел. Аның төп миссиясе-дөньяви бал сәнгате аша физик мөмкинлекләре чикләнгән балаларның иҗади потенциалын ачу һәм уңышлы социализацияөчен аерым шартлар тудыру. Бию мәйданы аермаларны бетерә торган киңлеккә әверелеп,  беренче планга хәрәкәт матурлыгы, үзара хөрмәт һәм аралашу шатлыгы чыга. Бу көнне зал төрле катнашучыларны: терәк-хәрәкәт аппараты, күрү һәм ишетү сәләте бозылган балаларны һәм яшүсмерләрне, һәр адымны хуплап торучы ата-аналарны, теләсә кайсы секундта ярдәм итәргә әзер булган волонтерларны, педа-гогларны һәм чакырылган артистларны берләштерде. 
Балның үзенчәлекле бизәге «Грация» бию-спорт клубының күрсәтмә чыгышлары булды. Профессиональ парлар классик бал биюләрен башкардылар. Инклюзив балда катнашучылар үзләре дә биюләрендә матур-лыкны, пластиканы һәм грацияне күрсәттеләр. Аларның чыгышы эстетик ләззәт кенә түгел, илһамландыргыч үрнәк тә.
Чараның мөһим һәм танта-налы мизгеле фестивальдә катнашучыларны һәм җиңү-челәрне бүләкләү булды. Зал алкышлары астында балалар лаеклы бүләкләр, дипломнар һәм бүләкләр алдылар.  Аларның һәркайсы инде уңышка таба төп адымын ясады - шикләрен җиңеп, сәхнәгә чыкты һәм үз талантын күрсәтте.
– Бүген без балаларыбызның чиксез сәләтләрен, аларның кыюлыгын, елмаюларын, зур һәм дус бергәлекнең бер өлеше булу теләген күрәбез. Инклюзив бал-дөньяга күпер, анда һәркем кадерле, без бу традицияне ел саен үткәрергә планлаштырабыз, — дип билгеләп үтте чараны оештыручылар. 
II шәһәр инклюзив балы иҗат һәм күңел җылысының һәркемгә аңлаешлы универсаль мөмкинлек булуын кабат исбатлады. Ул Әлмәтнең мәдәни тормышында якты вакыйгага әверелде. Чарада катнашучыларга ул матурлык һәм игелек үзәгендә булган бәхетле көн буларак истә калачак.

Резеда Исмәгыйлева әзерләде