Әлмәтнең «Кайгырту» үзәге халыкара хәйрия көненә багышланган чара уздырды
Хәйрияче ярдәме бик мөһим, ул мохтаҗларга шатлык һәм файда китерә.
«Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчә-се хезмәткәрләре социаль хезмәт алучылар белән берлектә Халыкара хәйрия көненә багышланган чара оештырдылар.
Балигъ булмаган социаль хезмәт алучылар хуҗасыз хайваннарга ярдәм җыюга үз өлешләрен керттеләр: теләге булган һәркем коры һәм дымлы азык, ярмалар, аш җыелмалары, ашату өчен савытлар, лотоклар һәм агач тутыргыч, көнкүреш химиясе кебек кирәкле әйберләр алып килде. Әлеге азыклар һәм кирәк-яраклар «Өйгә юл» ярдәм фондына илтеп тапшырылды.
Әлеге чарага физик мөмкин-лекләре чикләнгән балалар, аларның әти-әниләре һәм шәһәребезнең битараф булмаган барлык гражданнары да кушылды. Чара ахырында балаларга «Игелек бүләк ит» символикасы төшерелгән беләзекләр өләштеләр.
Резеда Исмәгыйлева әзерләде
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia