Әлмәттә мөмкинлекләре чикләнгәннәр өчен «Кече Сабантуй» узды

14 июльдә шәһәр паркында  ел саен үткәрелә торган «Кече Сабантуй» уздырылды.

Чара Әлмәт муниципаль районы Советы Аппараты җитәкчесе Роза Афлятунова, «Татнефть» хәйрия фонды җитәкчесе Эльмира Газизова һәм хезмәт министрлыгының социаль яклау идарәсе башлыгы Рөстәм Гәрәевның сәламләү сүзләреннән башланды. Алар үз чыгышларында әлеге искиткеч чарага ярдәм иткәннәре һәм килгәннәре өчен барлык катнашучыларга, оештыручыларга рәхмәт белдерделәр.

Мөмкинлекләре чикләнгәннәр төрле ярышларда, шул исәптән коляскалардагы ярышларда һәм армрестлингта катнаша алдылар. Спорт-күңел ачу уеннары, иҗади мастер-класслар һәм шәһәр һәм район коллективлары катнашында бәйрәм концерты бәйрәм кунакларын сөендерде.

Кунакларны  Әзербайҗан диаспорасы әзерләгән тәмле пылау белән сыйладылар.

Мөмкинлекләре чикле кешеләр өчен «Кече Сабантуй» оештыру барлык гражданнарның җәмәгать тормышында катнашу мөһимлеген ассызыклый, дип хәбәр итә Әлмәт районы башлыгы матбугат хезмәте. 

Әлмәт муниципаль районы башлыгының матбугат хезмәте