Әлмәт районының Кама-Исмәгыйль мәктәбендә җылылык бирелде

Әлмәт районында җылыту сезоны башлана. Әлегә шәһәрдә тәүлеклек уртача температура уртача җылы. Җылы җибәрү социаль объектлардан башланачак. Мәктәпләр, балалар бакчалары, хастаханәләр – алар беренче җылытылачак. Шәһәрдә фатирларга җылылык уртача температура 5 көн дәвамында 8 градустан түбән төшкәч биреләчәк.

Беренче котельныйларны тирә-юньдәге авылларда кушалар. 22 сентябрьдә Кама-Исмәгыйль мәктәбендә җылы бирделәр. Биредә 1-4 сыйныфларда 14 бала укый. Ул Нәдер авылы мәктәбенә карый.

"Озакламый Бишмунчага барачакбыз, шулай ук мәктәпкә җылы бирәбез. Бүген бездә 3 бригада эшли. Берсе Борискино, Новотроицк, бер бригада шәһәр буенча урнашкан якка китте", - дип хәбәр итте "Светсервис" директоры Җәүдәт Сөләйманов.

Районда барлыгы 167 котельный, шул исәптән 8 шәһәр котельные бар. Җылылык сезонында гына түгел, ә ел әйләнәсендә эшләүче шәһәрнекеләрдән аермалы буларак, кечкенә авылларда аларны эшләтеп җибәрү дә, сүндерү дә җиңел.