Әлмәттә яңа күргәзмә

Бүген сәгать 15:00 дә Әлмәт картиналар галереясында Татарстан Республикасының атказанган сәнгать эшлеклесе Нәҗип Нәккашның күргәзмәсе ачыла. Нәҗип Нәккаш – каллиграфчы-рәссам, 2016 елда Г. Тукай исемендәге Дәүләт бүләге иясе, данлыклы сынчы һәм рәссам Бакый Урманченың укучысы. 

Ул онытылып барган борынгы татар шәмаил сәнгате традицияләрен яңартучыларның берсе. Аның шәмаилләре әхлакый камилләшүгә, белемгә, ата-ананы хөрмәт итүгә һәм туган илеңне яратуга этәргеч бирә. Күргәзмә “Нефтьче” Мәдәният сараенда оештырыла.

Фото:https://vk.com/almet_kultura