Әлмәтлеләр язны ничек каршы ала? Әлбәттә, “Нәүрүз” бәйрәме белән. “Нәүрүз” төрки халыкларда кояш календаре буенча Яңа ел башлану, яңарыш символы булып тора. Ә әлмәтлеләр аны үзгә итеп каршы алды.
Бәйрәм чаралары шәһәребезнең берничә мәйданында барды. Шуларның иң зурысы Татарстан нефтенең 60 еллыгы исемендәге шәһәр паркында үтте. Биредә ул дәртле җыр-биюләр, театральләштерелгән тамаша һәм күңелле уеннар белән узды. Аниматорлар иң кечкенә кунаклар өчен күңелле уеннар әзерләгәннәр иде. Өлкәннәр дә бу көнне бәйгеләрдән читтә калмады.
Бәйрәмнең иң татлы өлеше - карга боткасы. Бәйрәмнең символы булган бу рызыкны ачык һавада авыз итәргә һәркем ашыкты.