Әлмәттә яшь стендаперлар көч сынашты

Әлмәттә яшь стендаперлар көч сынашты

24 августта Татарстан нефтенең 60 еллыгы исемендәге шәһәр паркында "Комиклар.Татарстан балалары" конкурсының финалы узды. Чара балалар һәм яшьләрнең иҗади үсеше буенча "Все сюда!" бөтенроссия программасы кысаларында «Татнефть» ГАҖ грантын кулланып узды. 
Конкурсның сайлап алу этапларында Россиянең төрле төбәкләреннән 323 заявка җибәрелгән. 

Конкурс шәһәрнең мәдәни тормышында якты вакыйгага әверелде, яңа талантлар ачты һәм тамашачыларга онытылмаслык юмор һәм позитив мизгелләр бүләк итте. Финалистларны составына танылган мәдәният эшлеклеләре, тәҗрибәле стендап-комиклар кергән компетентлы жюри бәяләде. Бәяләү критерийлары материалның оригинальлеге, артистлык, сәхнәдә үз-үзен тота белү һәм тамаша залының реакциясе иде.
Конкурста җиңүчеләр кыйммәтле бүләкләр һәм юмор өлкәсен алга таба үстерү мөмкинлеге алдылар. Моннан тыш, иң яхшы чыгышлар махсус дипломнар һәм призлар белән билгеләп үтелде. Әлеге чара ел саен регионда яшьләр юморын үстерүгә һәм Россия стендап-сәхнәсендә яңа исемнәр ачуга ярдәм итә торган вакыйга булачак. Чара матур гала-концерт белән тәмамланды.