«Созвездие-Йолдызлык»та Әлмәт йолдызлары призлы урыннар яулады

26-28 февраль көннәрендә Азнакайда «Созвездие-Йолдызлык» эстрада сәнгатенең ел саен үткәрелә торган XXV юбилей ачык республика телевизион яшьләр фестиваленең беренче зона этабы узды.

Конкурста Татарстанның алты районы һәм шәһәреннән 1600дән артык талантлы бала катнашты.

ТР Рәисе патронажы астында һәм ЮНЕСКО эшләре буенча РФ комиссиясе ярдәмендә уздырыла торган фестиваль быел Җиңүнең 80 еллыгына һәм Ватанны саклаучылар елына багышлана.

Әлмәт талантлары шәһәрне лаеклы тәкъдим иттеләр һәм конферанс, вокал һәм хореография юнәлешләре буенча 11 номинациядә 25 призлы урын яуладылар!

Фото:  Әлмәт муниципаль районы башлыгы матбугат хезмәте