Әлмәт театры Россиянең кече шәһәрләре театрлары фестиваленнән чираттагы җиңү белән кайтты

Анда Россиянең кече шәһәрләре театрларының дәрәҗәле ХХ фестивале узды. Әлмәт театры Лев Толстой пьесасы буенча «Дөм» спектаклен тәкъдим итте.

Кызык, әлеге спектакльнең режиссеры Лиза Бондарь белән әлмәтлеләр бер ел элек нәкъ менә шушы проектта танышкан. Ул вакытта әлмәтлеләр «зур формадагы иң яхшы спектакль» номинациясендә Гран-при алдылар, ә Лиза Бондарь куелышы — кечкенә формадагы спектакль белән дә шундый ук бүләк алды. Шул вакытта уртак спектакль куярга карар өлгерә. Декабрьдә үк рус классигы пьесасының премьерасы  чыга. Текст өстендә Екатерина Августеняк һәм режиссер Лиза Бондарь үзе эшләгән.

«Фестивальнең жюри әгъзалары һәм хезмәттәшләребез безнең эшне югары бәяләде, — дип сөйли Әлмәт театры директоры Фәридә Исмәгыйлева. - Мин тамашачыларны күрсәтү вакытында күзәттем. 1 сәгать 20 минут дәвамында алар, бер дә селкенмичә, спектакльне карадылар. Шунысын да билгеләп үтәргә кирәк, тамашачылар бөтен театр Россиясе. Режиссер һәм театр директорларының барысы да диярлек икенче көнне безнең делегацияне туктаттылар һәм Әлмәт театры кабат искиткеч нәрсә булдырды, барыбызны да гаҗәпләндерде, диделәр. Безгә Гран-при бирмәделәр. Бу аңлашыла да. Өченче тапкыр рәттән гран-при алу инде табигатьтән өстен дәрәҗәдәге нәрсә. Әмма моның өчен барлык шартлар да бар иде. Актерлар спектакльне якты, эмоциональ уйныйлар».

Спектакль Чиләбе өлкәсе губернаторының «Театр телен үстергән өчен» махсус бүләген ала. Бүләкләү тантанасы тәмамлангач, Әлмәт театры директоры янына фестиваль жюри рәисе Марат Гацалов һәм фестивальнең арт-директоры Олег Лоевский килделәр һәм «Дөм»нең Россия театр киңлеге өчен гадәти булмаган спектакль булуын билгеләп үттеләр.

Алар Әлмәт актерларына осталыклары һәм режиссер белән эшләве өчен рәхмәт белдерделәр.

Татарстанны тагын бер коллектив – Чаллыдан «Мастеровые» рус драма театры тәкъдим итте.

«Иң яхшы ир-ат роле» номинациясендә бүләк Алексей Уховка  бирелә.

Фестивальдә катнашучылар өчен театр сәнгате дөньясы экспертларыннан киң белем бирү программасы әзерләнгән: тренинглар, семинарлар, лекцияләр, иҗади очрашулар, барлык театр һөнәрләре вәкилләре өчен консультацияләр, шулай ук күп кенә экскурсияләр, концертлар.

Регионнар Магнитогорск шәһәре  паркында аллея салуда катнаштылар. Фестивальдә катнашучы һәр театр агач утыртты.

Фото: Әлмәт театры

Чыганак