Әлмәт драма театры яңа сезонны ике әфган малае турындагы премьера белән ачачак

"Без Әлмәттә "Җил артыннан" дөнья бестселлерын күрсәтү мөмкинлеген алдык. Бу Әфганстандагы ике малайның тормыш тарихы. Әсәр Әфганстандагы вакыйгаларга кадәр үк сайланган иде. Бу сәясәт түгел, без балалар травмасын күрсәтергә телибез", - дип билгеләп үтте Ләйләгөл Минаева.

Режиссер - «Алтын битлек» премиясе лауреатларының берсе Камил Тукаев.

"Без пьесаны өйрәнгәндә, процесс белән бик кызыксындык, бигрәк тә психологик күзлек ошады. Процесста без күп сорауларга җавап табарга тырыштык", - дип сөйләде ул.