Ничек ак киемнәрдәге сары таплардан арынырга?

Җәй якынлаша, көннәр дә җылына, эссе, кызу көннәре дә күп булыр әле. Җәй айларында, без күбрәк ак, ачык төстәге киемнәр кияргә яратабыз, балаларны да шулай киендерәбез. Кыш көне җәйге киемнәрне сакларга куябыз, ә җәй алгач, аһ итәбез. Еш кына ак киемнәр  чиста килеш куелган булсалар да, саргайган булалар яки эсседә бер көн киеп йөргәч ак футболкаларның, күлмәкләрнең култык аслары тир белән саргаеп торалар. Менә шул сары таплардан ничек котылырга соң?

Ак киемнәрне агартырга менә бу катнашма ярдәм итәр:

• 2 аш калагы тоз
• 3 аш калагы сода
• 1 аш калагы порошок.

Әлеге  катнашманы җылы су тутырылган тазга салып куябыз, киемне шунда 15-30 минутка салабыз. Кул белән юып, саф һавада киптерәбез.