Халык зары
Әлмәтлеләр пляжда эчүче, тартучылардан зарлана
Җирле халык территориядә сак оештыруны сорый.
Әлмәт халкы шәһәр пляжындагы хәлләрдән канәгать булмавын белдерде. Район башлыгы Тимур Нагуманов телеграм каналда мөрәҗәгать калдырган әлмәтле сүзләренчә, көндез дә, төнлә дә территориядә тәмәке тартучылар, спиртлы эчемлекләр эчүчеләр һәм сүгенүчеләр җыела.
Хәбәр авторы билгеләп үткәнчә, полицейскийлар ниләр булганын белә. Әмма хокук саклаучылар тәртип бозучыларга кисәтү ясадылар да киттеләр, дип раслый ул.
Шәһәрне көн саен патруль-пост хезмәте экипажлары патрульли, дип җавап бирәләр, шул исәптән пляж зонасын да.
Следите за самым важным и интересным в Telegram-каналеТатмедиа