Май аенда әлмәтлеләр «Халык контроле»нә 400 тапкырдан артык мөрәҗәгать иткән

Май аенда Әлмәт халкы «Халык контроле» системасында 400дән артык гариза калдырган. Аларны, нигездә, куркыныч балалар мәйданчыклары һәм ишегалларыннан вакытында чыгарылмаган чүп-чар борчый.

Клара Цеткин урамындагы 39 нчы йортта яшәүчеләр куркыныч тауга зарланды. Алар фаҗигаләр куркынычы булмасын өчен балалар мәйданчыгын үзгәртеп коруны сорыйлар: «Мәйданчыкның  нигезен алыштырырга, монтажларга, черегән такталарны алыштырырга, яңа чылбырлар куярга кирәк», - диләр алар.

Әлегә бу гариза карала. Балалар мәйданчыкларының торышы – май аенда әлмәтлеләр «Халык контроле»ндә күтәргән тема. Икенче иң популяр проблема-чүп-чар. Күп кенә ишегалларында  контейнерлар  янында өем булып, кисеп алынган агачлар һәм башка зур габаритлы чүпләр ята.

Клара Цеткин урамындагы 14 нче йортта яшәүчеләр әйтүенчә, аларның ишегалдында ботаклар күптән ята.
«2 ай инде алып китмиләр», - дип яза гариза бирүчеләр.

Шулай да күп кенә ишегалларында җаваплы хезмәтләр үз эшләрен яхшы башкаралар һәм гаризаларга оператив рәвештә җавап бирәләр. Крупская урамында яшәүчеләрдән килгән гаризаны бик тиз хәл итәргә мөмкин булган.

Балалар мәйданчыкларының куркынычсызлыгы мәсьәләсен хәл итүне сузмыйлар. Ленин урамындагы 95 нче йортта яшәүчеләр 31 нче майда «Халык контроле» нә куркыныч уен зонасы турында хәбәр итәләр. Башкарылган эш турында отчет шул ук көнне килә.

Май аенда әлмәтлеләр 400дән артык шикаять калдырган, шуларның 82се эштә, 187се хәл ителгән, 134е планлаштырылган, 21 хәбәргә мотивлы рәвештә баш тарту белән җавап биргәннәр.

Элегрәк редакциябезгә чүптән зарланып язганнар иде.