2026 ел дини бәйрәмнәр календаре: Рамазан, Ураза гаете, Корбан бәйрәме вакытлары
2026 елда Рамазан уразасы 19 февральдә башланып, 29 көн дәвам итәчәк
Татарстан мөселманнары Диния нәзарәте сайтындагы 2026 ел дини календареннан күренгәнчә, Рамазан ае 19 февральдә башлана, ә 20 мартта — Ураза бәйрәме (Гает) билгеләнә.
Корбан бәйрәме 27 майда, ә аңа каршы килгән 26 май — Гарәфә көне буларак билгеле. Шулай ук 25 июньдә Гашура көне, ә 25 августны 26 августка тоташтырган төндә Мәүлид ән-Нәби (Пәйгамбәр безнең г-м туган көне) үткәрелергә тиеш.
Ике төп бәйрәм — Ураза гаете һәм Корбан гаете — 2026 елда эш көннәренә туры килә. Алдагы еллардагы кебек үк, бәйрәм көннәре Татарстан Республикасы Рәисе карары белән өстәмә рәвештә расланачак. Республика законнары нигезендә, бәйрәм көне ял көненә туры килгән очракта өстәмә ял көне бирелми.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
