Әлмәттә махсус хәрби операция катнашучыларына ярдәм итәләр

 Әлмәттә махсус хәрби операция катнашучыларына ярдәм итәләр

Әлмәттә махсус хәрби операциядә катнашучыларга һәм аларның гаилә әгъзаларына медицина һәм психологик ярдәм күрсәтү буенча комплекслы эш дәвам итә. Ярдәм ветераннарның һәм аларның якыннарының физик һәм психологик халәтен торгызуга юнәлдерелгән һәм «Россия спорты» дәүләт программасының бер юнәлеше булып тора. Бу эштә Әлмәт үзәк район хастаханәсенең көндезге стационары мөһим роль уйный. Ул дәвалау физкультурасы һәм тернәкләндерү залы белән җиһазландырылган, биредә махсус хәрби операциядә катнашучылар өчен дәвалау физкультурасын һәм башка медицина процедураларын үз эченә алган торгызу чаралары комплексы эшли.
Район хакимиятендә ачыклык кертүләренчә, ел башыннан махсус хәрби операциядә катнашучыларның 1068 мөрәҗәгате буенча медицина ярдәме күрсәтелгән. Аларның гаиләләре дә ярдәм ала-гаилә әгъзаларының 458 мөрәҗәгате буенча шулай ук кирәкле медицина ярдәме күрсәтелде. Моннан тыш, шәһәрдә ветераннарны тыныч тормышка кайтарырга ярдәм итүче психологик ярдәм, яңадан һөнәри әзерлек һәм социаль адаптация программалары гамәлгә ашырыла.