Әлмәттә махсус хәрби операция ветераны яңа тормыш башлады

Әлмәттә махсус хәрби операция ветераны яңа тормыш башлады

Әлмәттә туып үскән Глеб Меркулов махсус хәрби операциягә кадәр үк контракт имзалаган һәм гаиләсе белән хезмәт итәргә киткән. 2022 елда, боерык буенча, Ватанны сакларга китә. Инде бер айдан соң авыр яралана, ул тормышны аңа кадәр һәм аннан соңга бүлә.

"Приказ-юридик яктан фикер йөрткәндә приказ. Ләкин ул булмаса да, минем егетләрем дә, командирларым да катнашырга теләк белдерерләр иде", - ди ул.

Глеб Меркулов диңгез пехотасының 810 нчы бригадасы составында хезмәт иткән. Аларның бурычы – теләсә нинди операциянең иң беренче һәм иң куркыныч этапларыннан берсе: подразделениеләрне алга җибәрү өчен территорияне чистарту.

"Бердянск һәм Мелитополь арасында төштек. Калган Кораллы Көчләр төшәчәк территорияне әзерләделәр. Бурычны үтәдек, плацдарм әзерләдек. Ә алга таба безнең бурыч Мариуполь шәһәрен азат итү иде", - дип искә ала ул.

Ләкин «кызыл линия» дә ул озак тормый. Беренче айда ук авыр җәрәхәтләр ала, алар бөтен алдагы тормышын үзгәртә.

"Урман полосасында минометтан ату булды. Могҗиза белән зур агач янына килеп чыктым – ул сынды, ә минем колагым зарарланды. Мәгънә бирмәдем: канны сөрттем, исән – киттек. Ә инде Мариупольдәге гамәлләр вакытында мин күземне югалттым. Аннары аягым яраланды, мобильлегемне югалттым, һәм мине эвакуацияләделәр", - дип сөйли ул.

Тернәкләндерүдән соң Меркулов хезмәттән китми-инструктор була, мобилизацияләнгәннәрне һәм контрактчыларны өйрәтә. Казанышлары өчен дәүләт һәм ведомство медальләре белән бүләкләнде. Алар арасында - "Батырлык өчен" медале, Мариупольне азат иткән өчен Донецк Халык Республикасы Дәүләт бүләге, Сириядә махсус операциядә катнашучы, «Кырымны кайтарган өчен» медале, парадта катнашкан өчен ике медаль бар.

2024 елның июлендә аны сәламәтлеге торышы буенча эштән чыгарганнар. Бу вакыт эчендә аның янында гаиләсе – хатыны һәм кечкенә кызы бар иде.

Бүген ул яңадан тыныч тормыш кора. Әлмәт башкарма комитетында «Батырлар» программасы буенча укый, мөмкин булган җирдә булыша һәм гади әйберләргә сөенергә өйрәнә.

"Гаиләм белән вакыт үткәрү белән ләззәтләнә алам. Тынычлык телим-барыбыз өчен дә тизрәк, газаплар бетсен, кешеләр һәлак булудан туктасын. Ә миңа килгәндә - «Батырлар» программасы тәмамлангач, билгеләнү булачак. Кая гына билгеләсәләр дә, иң мөһиме – файдалы булу. Булдыра алганча ярдәм итәргә тырышачакмын", - ди ветеран.