Әлмәттә Зөбәрҗәт һәм Алтын туйларын билгеләп үтүчеләрне хөрмәтләделәр

25 май көнне Әлмәт районының ЗАГС идарәсендә 55 ел бергә яшәп, Зөбәрҗәт туйларын билгеләп үтүче Николай һәм Суфия Золотовларны һәм алтын юбилярларны - Владимир һәм Зәйтүнә Васильевларны, Илсур һәм Анна Нәҗиповларны котладылар.

Николай һәм Суфия Золотовлар 1969 елның февралендә Әлмәттә өйләнешәләр. 1970 елда кызлары Татьяна һәм 1972 елда уллары Валерий туа, икесе дә югары белем ала. Алар үз гаиләләрен булдырып, бәхетле бабай белән әбигә ике онык бүләк итәләр. Николай Петрович электр белән эретеп ябыштыручыдан алып «Востокмонтажгаз» генераль директоры урынбасарына кадәр юл үтә, күп санлы грамоталар белән бүләкләнә, «Хезмәт ветераны» һәм Татарстан Республикасының атказанган төзүчесе исеменә лаек була. Суфия Тимировна шулай ук эшендә уңышларга ирешә, лаборанткадан алып треста җитәкче вазифаларына кадәр башкара, «Хезмәт ветераны» исемен ала.

Владимир һәм Зәйтүнә Васильевлар 1967 елның 16 августында өйләнешәләр. Аларның бәхетле никахыннан ике бала туа, кызлары Гөлназ һәм уллары Марат, хәзер аларның дүрт оныгы бар. Владимир Алексеевич гомеренең күп өлешен «Альметьнефть»тә күтәргеч машинисты булып эшли. Зәйтунә Галимулловна үзенең хезмәт юлын Васильевка мәктәбендә башлангыч сыйныфлар укытучысы булып башлый, ә аннары АЗЖБИГА эшкә күчә, анда ОГМ инженерыннан икътисад бүлеге начальнигына кадәр юл үтә.

Илсур һәм Анна Нәҗиповлар 1974 елның 23 августында Әлмәт шәһәренең ЗАГСында никахларын теркәгәннәр. Аларның никахыннан Владислав исемле уллары туа. Илсур белән Аннаның дүрт оныгы бар.

Илсур Хаҗиәхмәтович 10 ел СУ-854 юл-төзелеш оешмасында эшли, аннары «Елховнефть»кә күчә, анда пенсиягә кадәр җиһазларны ремонтлау буенча слесарь булып эшли. Анна Абрамовна 1971-1982 елларда СМУ-41дә эшли, шуннан соң кранчы булырга өйрәнә һәм ЖБИга урнаша, аннан пенсиягә чыга.

Кияү һәм кәләш буларак, юбилярлар тагын бер тапкыр дулкынландыргыч минутлар кичерәләр. Юбилярларны котларга туганнары, дуслары һәм Әлмәт территориаль төзелеш комитеты ветераннар советы рәисе Рафаэль Шакирҗанов килде.

Тантаналы шартларда гаиләләргә истәлекле бүләкләр тапшырылды.