Әлмәттә фигуралы шуучы Камилә Вәлиеваны «Без сине яратабыз» дип каршы алдылар

Әлмәткә Россия фигуралы шуучы, Олимпия чемпионы, Европа чемпионы Камилә Вәлиева килде. Хоккей үзәге янында җыелган фанатлар кызны "Камилә, без сине яратабыз!" дип каршы алдылар.

Үзәктә танылган спортчы Әлмәтнең яшь фигурачылары өчен мастер-класс бирәчәк.

Аннары кунак «Әлмәт» иҗтимагый үзәге буйлап экскурсиядә катнаша. Моннан тыш, Камилә «Татнефть» грантлары конкурсында җиңүчеләрне бүләкләү тантанасында катнашачак.