Әлмәт районы авыл җирлекләрендә яшәүчеләр хоккей уйнадылар

14 февральдә «Дуслык» хоккей мәйданчыгында Әлмәт районының авылда яшәүчеләрнең 52 нче Спартакиадасы кысаларында хоккей буенча финал уеннары узды.

Матчлар киеренке көрәштә, матур голлар һәм 3-4 урын өчен буллитлар сериясе белән узды.

Нәтиҗәдә 1 нче урынны Түбән Мактама хоккей командасы яулады. 2 нче урында Тайсуган авылы командасы, 3 нче урында Габдрахман авылы, 4 нче урында Бишмунча авылы командасы.

Әлмәт районында авылда яшәүчеләр арасында 52 нче Спартакиаданың финалы 21февральдә шәһәр стадионында узачак.