Әлмәт таңнары

Әлмәтле җәяүлене бәрдергән өчен 200 000 сум акча түләячәк

Зыян күрүче берничә көн комада булган.

Әлмәт суды җәяүлене бәрдерү турындагы эшне карады. Бу хакта судның матбугат хезмәте хәбәр итә.

2020 елның сентябрендә Совет урамында җавап бирүче җәяүлене бәрдерә. Гариза бирүче машина югары  тизлек белән хәрәкәт иткән, дип раслый.

Суд-медицина экспертизасы үткәрелгән. Эксперт зыян күрүченең  сәламәтлеккә авыр зыян китерүче тән җәрәхәтләре булуын ачыклаган.

Суд җавап бирүчене гаепле дип таныган. Аңа 2 елга транспорт чарасы белән идарә итү белән бәйле эшчәнлек белән шөгыльләнү хокукыннан мәхрүм итү белән бер елга иреген чикләү рәвешендә җәза билгеләделәр.

Реклама

Моннан тыш, гариза бирүче озак вакытлар стационар медицина дәвалавында булган, берничә көн комада булган. Шулай ук һәлакәттән соң ул тернәкләндерү курсы узарга һәм кыйммәтле медицина дәвалануын узарга тиеш булган. Барлык процедуралардан соң да сәламәтлек тулысынча ныгып бетмәгән. Зыян күрүче үз файдасына мораль зыян өчен 300 000 сум күләмендә компенсация сораган.

Җавап бирүче дәгъваны өлешчә таныган.

Суд җавап бирүчедән мораль зыян өчен 200 000 сум күләмендә компенсация түләттерү турында карар чыгарды.
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: