Әлмәттә триатлон буенча Россия беренчелеген үткәрү аркасында Шевченко урамы буенча хәрәкәт ябыла

31 июльдә һәм 1 августта Шевченко урамы буенча Төзүчеләр проспекты белән киселештән башлап База урамы киселешенә кадәр транспорт хәрәкәте ябыла.

 Шимбә, 31 июльдә, 6.00 сәгатьтән 17.30 сәгатькә кадәр, якшәмбе, 1 августта – 6.00 сәгатьтән 14.00 сәгатькә кадәр ябылачак.

Булачак ярышларда Россия Федерациясенең 28 төбәгеннән 300 гә якын спортчы катнашыр дип көтелә.

13-17 яшьлек егетләр һәм кызлар арасында Россия беренчелеге 2021 елгы Европа беренчелегенә сайлап алу булып тора, ул 2-4 октябрьдә Төркиядә узачак