27 февраль көнне Татарстан нефтенең 60 еллыгы исемендәге шәһәр паркындагы шугалакта Әлмәт балалар йортында тәрбияләнүчеләр кунак булды.
Аларга бай эчтәлекле тамаша программасы, кызыклы уеннар, төрле сый-нигъмәт, бүләклэр әзерләнгән иде. Тимераякта җилдерү дә бик ошады яшь кунакларга. Чара Ватанны саклаучылар һәм Халыкара хатын-кызлар бәйрәмнәре кысаларында узды. Февраль суыгына карамастан, балалар саф һавада рәхәтләнеп күңел ачты.