Рөстәм Миңнеханов Казан мэрына шәһәр яны юлларын үстерүне контрольгә алырга кушты

Татарстан Президенты Рөстәм Миңнеханов Казан Мэрына шәһәр яны юлларын үстерүне контрольгә алырга кушты. Шәһәр башлыгы республика җитәкчесенә Казан бистәләренә транспорт үтемлелеген тәэмин итү проектлары турында сөйләде, дип хәбәр итә ТР Президенты матбугат хезмәте.

Сүз Көек һәм Салмачи бистәләре, шулай ук «Салават Күпере» микрорайоны һәм башка проблемалы юнәлешләр турында барды.

«Без еш кына тарихи үзәкне үстерү һәм саклау мәсьәләләрен карыйбыз, әмма торак микрорайоннар турында да онытырга ярамый. Гражданнарыбыз өчен уңайлы яшәү шартлары тудырырга, барлык инфраструктураны, шул исәптән транспорт инфраструктурасын исәпкә алып, Уңайлы мохит булдырырга кирәк", - диде Рөстәм Миңнеханов.

Шуңа бәйле рәвештә ул шәһәр җитәкчелегенә шәһәр яны транспорт үтемлелеге мәсьәләләрен аерым контрольдә тотарга кушты, чөнки Казан территориясе өзлексез киңәя.

Питрәч юнәлешендә юл төзелеше белән беррәттән, Татарстан Президенты ике ел дәвамында Зур Казан боҗрасы төзелешен тәмамлау һәм «Салават Күпере» микрорайонын транспорт белән тәэмин итүне төп бурычларның берсе дип атады. Аның фикеренчә, анда киләчәктә йә трамвай линиясен үткәрергә, йә метробусларны эшләтеп җибәрергә кирәк.

Илсур Метшин хәбәр иткәнчә, якын арада мэрия Татарстан Президентына әлеге мәсьәлә буенча күрелә торган адымнар турында хәбәр итәчәк.