Балалар хокукларын яклау, гаиләләргә ярдәм итү һәм яшүсмерләрне файдалы эшкә җәлеп итү – киңәшмәнең төп темалары булды.
Әлмәттә балигъ булмаганнар эшләре һәм аларның хокукларын яклау комиссиясенең киңәйтелгән утырышы булды
6 майда «Адымнар-Әлмәт» гимназиясендә балигъ булмаганнар эше буенча комиссия утырышы узды. Анда ТР балалар хокуклары вәкиле Светлана Захарова, прокурор Марат Шәехов, район башлыгв Гүзәл Хәбетдинова һәм башка җаваплы затлар катнашты.
Төп фикерләр:
✅ «Балалар ышаныч телефоны» (8-800-2000-122) – бушлай, аноним, тәүлек буе эшли;
✅ «Аңлы ата-ана мәктәбе» программасы гаиләләргә тәрбия мәсьәләләрендә ярдәм итә;
✅ «Точка трезвости» проекты уңышлы бара, ләкин социаль хезмәтләр һәм сәламәтлек саклау ресурсларын активрак куллану кирәк;
✅ Җәйге чорда яшүсмерләрне эшкә һәм өстәмә белемгә җәлеп итү бурычы куелды.
«Безнең бурыч – һәр баланың мәнфәгатьләрен кайгыртып, аларга тормышта үз урыннарын табарга ярдәм итү», – дип йомгаклады Гүзәл Хәбетдинова.
📞 Балалар ышаныч телефоны – 8-800-2000-122. Шалтырату бушлай, эш вакыты – тәүлек буе.