Әлмәт шәһәр Советы депутаты Вячеслав Колотовкин «ТР атказанган физик культура хезмәткәре» дигән мактаулы исемгә лаек булды

Әлмәт шәһәр Советы депутаты Вячеслав Колотовкин «ТР атказанган физик культура хезмәткәре» дигән мактаулы исемгә лаек булды

Әлмәт шәһәр Советы депутаты Вячеслав Колотовкин Татарстан Республикасы Рәисе кулыннан югары дәүләт бүләген алды. Бүләкләү тантанасы Казанда Татарстан Республикасы "Динамо" физкультура-спорт җәмгыяте иҗтимагый-дәүләт оешмасының 100 еллыгына багышланган чара кысаларында узды.

Татарстан Республикасы Рәисе Рөстәм Миңнеханов Вячеслав Колотовкинга күкрәк билгесе һәм «Татарстан Республикасының атказанган физик культура хезмәткәре» дигән мактаулы исемгә таныклык тапшырды.

Вячеслав Геннадьевич — туган шәһәреннән читтә танылган шәхес. Россиянең спорт мастеры һәм Татарстан Республикасының атказанган спорт мастеры, ул күп еллар дәвамында үзен физик культура һәм спортны үстерүгә багышлый, Әлмәтнең чәчәк атуына бәяләп бетергесез өлеш кертә. 

Вячеслав Геннадьевичның эшчәнлеге спорт һәм депутат эше белән генә чикләнми. Махсус хәрби операция башыннан ук Вячеслав Геннадьевич үзен чын патриот һәм актив волонтер буларак күрсәтте. Ул безнең сугышчыларга гуманитар ярдәм җыюны оештырып кына калмый, бәлки йөкләрне тапшыру һәм фронт линиясендә якташларына ярдәм итү өчен даими рәвештә шәхсән үзе алгы сызыкка чыга.

"Бу бүләк - зур дәрәҗә һәм шул ук вакытта зур җаваплылык. Мин республика җитәкчелегенә хезмәтемә югары бәя биргәннәре өчен рәхмәтле. Әмма бүген төп геройлар-безнең егетләр алгы сызыкта. Аларга ярдәм итү-безнең уртак бурычыбыз, һәм без бу эшне җиңүгә кадәр дәвам итәчәкбез", - дип билгеләде Вячеслав Колотовкин.