Әлмәт районында ишегалларын төзекләндерүгә 474 млн сумнан артык акча тотылачак

2025 елда Әлмәт районында "Безнең ишегалды" программасы буенча 51 ишегалды территориясе төзекләндереләчәк. Республика бюджеты бу максатларга 474 миллион сумнан артык акча бүлеп бирде. Планда-юлларны һәм тротуарларны ремонтлау, яктырту, контейнер мәйданчыклары, эскәмияләр, урналар, шулай ук балалар һәм спорт җиһазлары урнаштыру.

Эшләр юл-төзелеш сезоны башлану белән башланачак. Район администрациясе халыкны тавыш бирүдә һәм беркетмәләргә кул куюда актив катнашырга чакыра, чөнки аларның ризалыгы эшне башлау өчен мәҗбүри шарт булып тора.

Рөстәм Миңнеханов инициативасы белән оештырылган "Безнең ишегалды" программасы Әлмәт районында 5 ел эчендә 300 ишегалдын ремонтларга мөмкинлек бирде.