Әлмәттә кайбер ишегалларын кардан чистарталар

Үсеш департаменты хәбәр иткәнчә, 3 мартта ишегалларын кардан чистартуга ике берәмлек техника  һәм 153 урам җыештыручы чыга. Планлаштырылган җыештыру турында ике идарәче компания белдерде.

"Алсу" идарәче компаниясе Гафиятуллин урамы, 41, 43 һәм 45 нче йортлар ишегалларын кардан чистартырга җыена. "Новация" идарәче компаниясе  Ленин урамы, 34, 46, 48 һәм Тукай проспекты, 42 йортларында түбәләрне чистартачак.

Махсус техника узуга комачауламас өчен ишегалларында автомобильләрен калдырмаска сорыйлар.