Йөк 10 тонна эчәр судан, биш көймәдән, җылы киемнән, аяк киеменнән, юрганнардан һәм мендәрләрдән, азык-төлектән тора.
Оренбург өлкәсе халкына Әлмәттән гуманитар ярдәмнең беренче партиясен җибәрәләр. Бу хакта Әлмәт районы башлыгының матбугат хезмәтендә хәбәр иттеләр. Әлмәтлеләр дүрт көн дәвамында беренче кирәкле әйберләр: җылы кием, аяк киеме, карават, юрганнар һәм мендәрләр, азык-төлек алып киләләр. Моннан тыш, район башлыгы Тимур Нагуманов кушуы буенча 10 тонна эчәр су һәм биш көймә җибәрелде.
Гуманитар ярдәм кабул итү дәвам итә. Җыю пунктының адресы: Ленин урамы, 21. Ул 8.00-20.00 сәгатьтә эшли. Исегезгә төшерәбез, Оренбург өлкәсендә гадәттән тыш хәл режимы кертелде. Күпләр йортсыз, акчасыз, гадәти әйберләрсез һәм уңайсыз хәлдә калган.