Әлмәтлене 101 яше белән котладылар

4 гыйнварда тыл хезмәтчәне, «Опека» халыкка социаль хезмәт күрсәтү комплекслы үзәгенең Әлмәт муниципаль районындагы йортында социаль хезмәтләр алучы Зоя Степановна Царевага 101 яшь тулды. 

Зоя Степановнаны туган көне белән район һәм шәһәр Ветераннар советы вәкилләре, Әлмәт муниципаль районының «Опека» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге социаль хезмәткәре котлады һәм бүләкләр тапшырды. Зоя Степановнага нык сәламәтлек, рух күтәренкелеге, якты һәм шатлыклы көннәр теләделәр.

Фото: «Опека» халыкка социаль хезмәт күрсәтү комплекслы үзәге