Әлмәттә эш бирүче көне узды

Анда  эшсез һәм эш эзләүче гражданнар предприятиенең кадрлар хезмәте белән очрашты.  Ярминкәдә катнашучылар тәкъдим ителгән вакансияләр белән таныштылар һәм үзләрен кызыксындырган сорауларны бирә алдылар. Оешманың кадрлар хезмәте вәкиле чарада катнашучыларга эш шартлары, кандидатураларга таләпләр турында сөйләде.

Ярминкәдә программа белән идарә итүче станоклар операторы, инженер-технолог, инженер-конструктор, кран машинисты, технологик җиһазлар буенча слесарь-ремонтчы, электр җиһазларын ремонтлау һәм хезмәт күрсәтү буенча электромонтер, ОТК контролеры, стропальщик, бораулаучы, токарь һәм башка белгечлекләр буенча вакансияләр тәкъдим ителде.

 19 әлмәтле кабат әңгәмәгә юллама алды. Барлыгы вакансияләр ярминкәсендә 40 кеше булды.