Бөтенроссия мәдәни-белем бирү проекты башланып китте

Ул укучыларны рухи яктан үстерү, илебезнең мәдәни мирасына хөрмәт тәрбияләүгә юнәлдерелә. Яңа программа нигезендә балалар өстәмә рәвештә сәнгать үрнәкләре, әдәбият, музыка әсәрләре, театраль куелышлар белән таныша алачак. Проект кысаларында Әлмәт районында экскурсияләр, Музыка көнендә концертлар, язучылар белән очрашулар һәм түгәрәк өстәл утырышлары планлаштырыла. Сәнгать мәктәпләре укытучылары да укучылар белән очрашу-аралашулар уздырырга исәпли. Тематик күргәзмәләр оештыру да көтелә. Авыл Мәдәният йортларында мастер-класслар, концерт программалары, фильмнар күрсәтү, театраль куелышлар планга кертелгән.