Әрекмән тамыры - витаминнар чыганагы

lОрганизмны ныгыту өчен 1 аш кашыгы вакланган тамырны 1 стакан кайнар суга салып, 1,5 сәгать төнәтәләр. Сөзеп, көнгә 2 тапкыр 1 әр стакан кабул итәләр. Дәвалану курсы - 2-3 атна.

l Гастрит, ашказаны һәм уникеилле эчәк җәрәхәте, бәвел-җенес системасы авырулары булганда, ярты чәй кашыгы чамасы вакланган әрекмән тамырын 1,5 стакан кайнар суга салып, термоста 5 сәгать төнәтәләр. Көнгә 3 тапкыр 1/3 әр стакан эчәләр.

lРевматизм, экзема борчыганда, 1 чәй кашыгы вакланган тамырны 1 стакан кайнар суга салып, сүлпән утта 5 минут кайнаталар. 20 минуттан соң сөзеп, ашар алдыннан көнгә 4 мәртәбә 1 әр аш кашыгы эчәләр.

lБавыр, үт куыгы эшчәнлеге бозылган икән, 2 чәй калагы вакланган тамырны 0,5 литр салкын суда 5 сәгать төнәтәләр. 1 минут кайнаталар, 10 минуттан сөзәләр. Көнгә 3 тапкыр 100 әр г эчәләр.

lТире авырулары вакытында, җәрәхәт, пешкән урын, тромбофлебит, геморрой булганда, 10 аш кашыгы вакланган тамырны 150 г зәйтүн маена салып, 20 минут сүлпән утта төнәтәләр. Сөзеп, көнгә берничә мәртәбә проблемалы урынга сөртәләр.

lШикәр диабеты, подагра, ревматизм, хроник эч кибү, геморрой кебек сырхаулар күзәтелгәндә, 1 аш кашыгы вакланган тамырны 2 стакан кайнар суга салып, сүлпән утта 10 минут кайнаталар. 1 сәгать төнәткәч, сөзеп, көнгә 3 тапкыр 2 шәр аш кашыгы кабул итәләр.

lАртрит булганда, очлыклар сызлаганда, трофик җәрәхәт вакытында эмаль кәстрүлгә 2 аш кашыгы вакланган тамырны салалар, 1 стакан су өстәп, савытның капкачын япкан килеш сүлпән утта 10 минут кайнаталар. 40 минут төнәткәч, марляны берничә катлы итеп шунда чылаталар һәм проблемалы урынга 30-60 минутка куялар. Процедураны көнгә 3 мәртәбәгә кадәр кабатлыйлар. Компрессны төнгә калдырырга да мөмкин.

lБәвел кудыра торган чара. 3 аш кашыгы вакланган тамырны 800 мл кайнар суга салып, яртысы парга әйләнгәнче сүлпән утта кайнаталар. 30 минут тоткач, сөзеп, 2-3 аш кашыгы бал яки шикәр комы өстиләр. Көнгә 3 мәртәбә яртышар стакан һәм йок-ларга ятканда 1 стакан эчәләр.

lТамагыгыз ялкынсынган булса 1 өлеш вакланган тамырны 15 өлеш кайнар суга салып 3 сәгать төнәтегез. Сөзеп, көнгә 3-5 тапкыр җылы төнәтмә белән тамак төбен чайкатыгыз.