Әлмәтлеләр Корбан гаетен зурлап бәйрәм итте [+ФОТОЛАР]

Әлмәт таңнары, 21 август 2018 - 19:01

1231

Бүген шәһәр паркында Корбан бәйрәме уңаеннан зур чара булып узды.

Әлмәт шәһәре һәм районы мөхтәсибәте тарафыннан һәм район җитәкчелеге, нефтьчеләр, парк ярдәмендә оештырылучы бу бәйрәмне халык аеруча үз итә. ТР Көнчыгыш төбәге казые, Әлмәт районы һәм шәһәре имам-мөхтәсибе Фәһим хәзрәт Әхмәтҗанов әлмәтлеләргә ихлас котлауларын ирештерде.

Быел бәйрәмне Салават Миңнеханов алып барды. Гүзәлем һәм шәһәр, Габдрахман үзешчәннәре моңлы җырларын бүләк итте. Бәйрәмдә балалар да, өлкәннәр дә рәхәтләнеп уен-бәйгеләрдә катнашты, мөнәҗәт-догалар укыды. Бүләкләр дә мулдан иде. Һәр елдагыча Татнефть компаниясе бу юлы да аттракционнарда күңел ачу өчен балаларга 2700 билет өләште. Башка еллардан аермалы буларак быел билетлар 3 көн гамәлдә булачак.

Бу көнне паркка килгән һәркем корбан итеннән пешерелгән пылау һәм кайнар коймаклар белән сыйланды. Физик мөмкинлекләре чикләнгән 60 лап кешене исә Ассольдә кунак иттеләр.

Следите за самым важным и интересным в Telegram-каналеТатмедиа