Гаепләнүчене балалар бакчасы территориясендә урнаштырылган видеокүзәтү камералары кайнар эзләр буенча тоткарларга ярдәм иткән.
Алдан хәбәр иткәнебезчә, билгесез ир-ат 7 май төнендә 65 нче балалар бакчасының тәрәзәсен ватып кереп, каравылчы хатын-кызны пычак белән яралый, бинага ут төртә.
Гаепләнүче территориядә урнаштырылган видеокамераларга эләккән. Шуңа да аны тиз арада тоткарлау мөмкин булган. Ут-ялкын чыккан вакытта янгын куркынычсызлыгы системасының эшләве исә шулай ук тиз арада янгынны сүндерүгә китергән.