Әлмәтлеләр Шевченко урамындагы икеләтә тоташ линиядән зарлана
Хакимият вәкилләре барысы да машина йөртүчеләрнең иминлеге өчен дип раслый.
Әлмәтлеләр Шевченко урамындагы 102 нче йорт каршындагы участокта ясалган яңа билгедән канәгать булмавын белдерделәр. Шәһәр халкы сүзләренчә, икеләтә тоташ линия булу сәбәпле, хәзер күл ягына борылырга мөмкин түгел.
«Бу бердәнбер керү урыны иде . Хәзер ничек керергә?», диләр әлмәтлеләр. Хакимият органы вәкилләре әлмәтлеләр белән килешми. Белгечләр хәбәр иткәнчә, билгеләрне куркынычсызлык өчен ясаганнар.
«Юлның әлеге участогы өч хәрәкәт полосасы кисешү аркасында куркыныч тудыра. Без барлык юл хәрәкәтендә катнашучыларны сак булырга һәм билгеләрне игътибар белән күзәтергә чакырабыз», – дип нәтиҗә ясадылар Әлмәтнең үсеш департаментында.
Фото: t.me/nagumanovtd_live
Следите за самым важным и интересным в Telegram-каналеТатмедиа