Әлмәтле лифтта ике сәгатькә бикләнеп калган
Төзүчеләр проспектындагы 23 нче йортта даими рәвештә лифт белән проблемалар күзәтелә.
Әлмәт районы башлыгы телеграм-каналы чатында Төзүчеләр проспектындагы 23 нче йортта яшәүчеләр лифт белән даими проблема турында хәбәр иттеләр. Шунда яшәүче хатын-кыз сүзләренчә, лифтта кеше бикләнеп калган һәм күршеләр ярдәмгә килгәнче ике сәгать шунда утырган. Белгечләрдән ярдәмгә беркем дә килмәде, дип раслый мөрәҗәгать авторы.
Хатын-кыз компетентлы органнарга лифтны алыштыру турында сораулар белән мөрәҗәгать иткән, аңа бу 2026 елга кадәр булмаячак дип җавап биргәннәр. Әмма озак көтәргә ярамый: лифт даими ватыла, аларга җәяүләп биек катларга күтәрелергә туры килә. Хәбәр авторының инвалид баласы бар һәм ул үзе йөри алмый.
"Ниндидер плата янган һәм тиешлесен сайлагач, алыштырачакларын әйттеләр. Ә ремонтчыларның ял көннәре кайчан булачагы билгесез", - дип зарлана хатын-кыз.
Следите за самым важным и интересным в Telegram-каналеТатмедиа