Хатын-кызны үтергәнче кыйнаган әлмәтлене хөкем иттеләр
Шәһәр суды “аңлы рәвештә сәламәтлегенә авыр зыян салып, саксызлык белән кеше үтерү” маддәсендә каралган җинаять кылуда гаепләнүче әлмәтлегә хөкем карары чыгарды.
Суд утырышында ачыкланганча, ир-ат исерек хәлдә, аңлы рәвештә сәламәтлеккә зыян салу максатыннан куллары һәм аяклары белән зыян күрүченең йөзенә, башына, күкрәк читлегенә, аякларына ким дигәндә 26 тапкыр суга һәм тибә.
Гаепләнүче ханымның башына 6 тапкыр сугып, сәламәтлегенә авыр зыян китергән. Бу хакта суд матбугат хезмәте хәбәр итә.
Әлеге гамәлләр нәтиҗәсендә зыян күрүче шунда ук җан бирә. Хөкем ителүче үз гаебен өлешчә таныган.
Ир-атка 8 елга кадәр ирегеннән мәхрүм итү рәвешендә җәза билгеләгәннәр. Ул аны катгый режимлы төзәтү колониясендә үтәячәк.
Следите за самым важным и интересным в Telegram-каналеТатмедиа
Оставляйте реакции
