Яшүсмерне һәм аның әнисен көчләгән (18+)
20 октябрьдә башкаланың Юдино бистәсендә бер ир башта яшүсмер кызны кыйнап көчләгән, аннары әнисен көчләгән һәм соңгысын өйдән алып киткән.
Ул хатынның элеккеге өйдәше булган. Аларның гаиләсенә килеп, ир-ат 14 яшьлек малайны һәм 17 яшьлек кызны кыйнап, аларны бәйли. Ә аннан соң кызны да, әнисен дә көчли. Җинаять кылганнан соң, элек хөкем ителгән 44 яшьлек ир-ат хатын-кызны Мари Эл республикасына алып китә.
Бу хәл турында хокук саклау органнарына хәбәр иткәннән соң, вакыйгалар урынына Татарстан Прокуроры Илдус Нәфыйков һәм аның беренче урынбасары Сергей Старостин оператив рәвештә бара.
Көчләүчене оператив-эзләү чаралары вакытында тоткарлаганнар, хатын азат ителгән.
«Балигъ булмаганны көчләү» һәм «Кеше урлау» маддәләре буенча җинаять эше кузгатылган. Тикшерү бара.
18+
Следите за самым важным и интересным в Telegram-каналеТатмедиа