Әлмәттә хәйрия ифтары узды

Әлмәтнең үзәк мәчетнең стилобатында мөмкинлекләре чикләнгән кешеләр, шулай ук мөмкинлекләре чикләнгән балалар тәрбияләүче ата-аналар өчен ифтар мәҗлесе узды. Күркәм традициягә әверелгән бу ел саен үткәрелә торган чара аеруча мохтаҗларга шатлык һәм Ярдәм бүләк итүгә юнәлдерелгән. Изге Рамазан аенда мондый очрашулар шәфкатьлелек һәм үзара ярдәмләшүнең мөһимлеген искә төшереп, аерым мәгънәгә ия була.

Чара Рузил хәзрәт Ихсанов  тарафыннан Коръән укудан башланды. 

«Ансар» хәйрия фонды директоры Руслан Баҗутов тәбрикләү сүзләре белән чыгыш ясады. Үзенең чыгышында ул сәламәтлек мөмкинлеге кешеләргә ярдәм итүнең һәм игътибарның әһәмиятен ассызыклады. Ул ифтарны оештыруда катнашкан һәм мохтаҗларга даими рәвештә ярдәм күрсәткән һәркемгә рәхмәт белдерде.

Кунаклар өчен бүләкләр әзерләнде. Ә иң кечкенәләр өчен Рамазан тематикасы буенча татлы бүләкләр таратылды Балаларның һәм өлкәннәрнең йөзләрендәге шатлык оештыручылар өчен иң яхшы бүләк булды диләр оештыручылар.

Фото: «Ансар» хәйрия фонды