Дрон һөҗүме куркынычы вакытында хәвефсезлек кагыйдәләре: Татарстан халкына киңәшләр

Дроннар һөҗүм итәргә мөмкин дигән куркыныч барлыкка килгәч, үзегезне һәм якыннарыгызны саклау өчен түбәндәге кагыйдәләргә таянырга кирәк. Сез бинада булган очракта, подвал, паркинг яки башка аскы катларда яшеренергә тырышыгыз. Лифт куллану тыйылган – баскычлар аша гына төшегез. Әгәр бинаның аскы катларына барып җитә алмасагыз, якындагы җир асты кичүе яки башка бина эчендә яшеренү урынын эзләгез. Бу турыда МЧСның Татарстан буенча идарәсе махсус искәртү бирде.

Өйдә калган вакытта тәрәзәсез бүлмәгә күчегез, мөгаен, ванна бүлмәсе иң уңайлы урын булыр. Тәрәзәләрдән еракрак, терәк стеналар арасында утырыгыз һәм идәнгә якынрак торыгыз.

Җимерелгән дрон калдыкларын күрсәгез дә, аларга кагылмагыз – бу бик куркынычлы. Дронның кыйпылчыклары да зарар китерә ала, шуңа күрә алар янына якын килү тыйылган.

Дронның фото яки видео төшерергә мөмкинлек булса, аны полициягә бирегез яки «112» хезмәтенә шалтыратып хәбәр итегез. Ләкин бу материалларны социаль челтәрләргә җибәрү рөхсәт ителми – дошманга мәгълүмат бирүгә китерергә мөмкин. Шулай ук тикшерелмәгән мәгълүматны да интернетка тарату ярамый.

Һавада дрон күренсә, аның күзәтү зонасыннан читкә китегез яки яшеренү урынын эзләгез. Дрон янында рация, телефон, GPS һәм башка электрон җайланмаларны куллану тыела – бу җиһазлар дрон эшенә кире йогынты ясап, көтелмәгән хәрәкәткә (шул исәптән шартлауга) сәбәп булырга мөмкин.

Куркыныч якынлашканда һәм башка гадәттән тыш хәлләр турында үз вакытында хәбәр алу өчен Россия МЧСның рәсми кушымтасын йөкләп алыгыз. Бу җайланма аша сәгать эчендә  куркыныч турында хәбәрләр була.