Әлмәттә 10 сентябрьдә музыкаль ярыммарафон узачак

10 сентябрьдә Әлмәттә һәвәскәрләр йөгереше — Әлмәт ярыммарафоны 2023 узачак, дип хәбәр итә район башлыгының матбугат хезмәте.

Ярышларда катнашучыларны дистанция дәвамында тере музыка белән рухландырачаклар.

Бу юлы 3, 10, 21.1 километрлы дистанцияләр, шулай ук балалар өчен TIMERKIDS йөгереше каралган.

Чарада яшь чикләүләре гамәлдә: 3 км араны 11 яшьтән өлкәнрәк кешеләр, 10 км араны 16 яшьтән өлкәнрәк җиңел атлетлар йөгерә алачак, ә ярыммарафонны балигъ булганнар гына йөгерә алачак.