Әлмәттә шосседа велосипед ярышлары узды

12 июньдә Россиянең велосипед башкаласы инде дүртенче тапкыр TATNEFT Tour de Tatarstan Almetyevsk 2022 исемле TIMERMAN сериясе ярышларын кабул итте. Спорт вакыйгасының иганәчеләре - «Татнефть» компаниясе һәм «Махеевъ» сәүдә йорты.

 Велосипед спорты елдан-ел популярлаша бара һәм юкка гына түгел, чөнки Әлмәт, 2018 елдан башлап, массакүләм велосипед ярышларын кабул итеп, Татарстанда һәвәскәрләр спорты үсешенең чишмә башында торды. Күпләр өчен бу хобби гына түгел, ә тормыш стиле дә.

 Әлеге вакыйга төрле яшьтәге 500гә якын велосипедчыны җыйды. Ярышларда профессиональ спортчылар да катнаша алды. География киң: Мәскәү, Удмуртия, Башкортстан, илнең 21 регионыннан спортчылар һәм һәвәскәрләр катнашты. Катнашучыларның 30%тан артыгы-Татарстан халкы, шуларның 10 % ы-әлмәтлеләр.

 Әлмәт муниципаль районы башлыгы Тимур Нагуманов 50 км дистанциядә катнашты.

 "Кадерле катнашучылар, барыгызны да сәламлим һәм Россия көне белән котлыйм. Бүген, бу көнне, безгә Әлмәттә велоузышны кабул итү бик күңелле. Барыгызга да яхшы старт, төшенкелеккә бирелмәвегезне телим", - дип уңышлар теләде Тимур Дмитриевич.

 Шулай ук TIMERMAN спорт чаралары сериясе башкарма директоры Алена Комарова да үз котлауларын җиткерде: "Безнең искиткеч ярышыбызны хуплаучыларга зур рәхмәт. Әлмәт командасына ярдәм күрсәткәннәре һәм бөтен эшләре өчен зур рәхмәт. Катнашучыларга шома юллар телим һәм сезне финишта көтәбез".

 Спорт чарасы кысаларында шәһәр урамнары буйлап берничә дистанциядә стартлар узды. Төрле яшь категорияләре спортчыларына 25 км, 50 км һәм 100 км (1, 2 һәм 4 әйләнеш) узарга туры килде. Ярышлар «Балалар лигасы»кысаларында балалар стартыннан башланды. 4 чакрымга гомуми дистанцияне 100 дән артык яшь спортчы узды. Шулай ук  3тән 10 яшькә кадәрге балалар да үз көчләрен сынап карый алдылар – алар өчен 600 метрга TIMERKIDS старты бирелде. Ярышларның дәүләт бәйрәме – Россия көне эгидасы астында узуын да билгеләп үтәргә кирәк. Балаларга триколор чәчәкләрендә патриотик грим ясадылар.  

 Трасса маршруты Әлмәтнең ябык урамнары буйлап узды һәм шәһәр читендә дәвам итте.

 Әйләнә-тирәдә аш-су белән 4 нокта оештырылган иде, анда спортчыларның рухны күтәреп, волонтерлар су һәм җиләк-җимеш тараттылар. 100 км дистанциядә (4 әйләнеш) катнашучылар финишта массаж хезмәтеннән файдалану мөмкинлегенә ия булдылар.

 Катнашучыларның сәламәтлегенә һәм куркынычсызлыгын тәэмин итүгә аерым игътибар бирелде. Бу көнне бөтен трасса дәвамында волонтерлар, ашыгыч ярдәм машиналары, шулай уу махсус техника кизү торды.

 Чарада катнашучыларның барысы да яхшы спорт әзерлеген күрсәттеләр һәм медальләр, дипломнар, истәлекле бүләкләр алдылар. Шулай ук Әлмәт муниципаль районы Башкарма комитетында эшләүче Әнүзәр Юнысовка триатлон буенча спорт мастерлыгына кандидат исеме бирелде.   

 Район башлыгы триатлон буенча Россия җыелма командасының баш тренеры Сергей Карачаров һәм Татарстан Республикасының баш тренеры Сергей Яковлев белән берлектә мәктәп укучылары арасында бүләкләү тантанасын үткәрде.

Әлмәт муниципаль районы Башлыгының матбугат хезмәте