Әлмәт районында Бөек Ватан сугышында Җиңүнең 76 еллыгына багышланган мини-футбол матчы узды

Әлмәт районының Миңлебай авылында Миңлебай һәм Сарман футбол командалары катнашында Бөек Ватан сугышында Җиңүнең 76 еллыгына багышланган мини-футбол буенча матч узды.

Чараның төп максаты-футболны популярлаштыру, шулай ук сәламәт яшәү рәвешен пропагандалау һәм физик әзерлек дәрәҗәсен арттыру. Ярышлар бик кызыклы һәм мавыктыргыч булды.

Футболчылар матур уен күрсәттеләр, җанатарларны командаларның әзерлек дәрәҗәсе һәм  чараны оештыру сөендерде.