Әлмәттә «Тоннель»гә йомгак ясадылар
Чара 24 апрельдә үткәрелде.
24 апрельдә Россия эчке эшләр министрлыгының Әлмәт районы буенча дәүләт автоинспекциясе бүлеге тарафыннан аек булмаган хәлдә идарә итүче шоферларның юл хәрәкәте кагыйдәләрен бозуларын ачыклауга юнәлдерелгән «Тоннель» йөртүчеләрен массакүләм тикшерү буенча профилактик операция үткәрелде.
Әлеге операция барышында 167 машина йөртүче тикшерелгән һәм 8 юл хәрәкәте кагыйдәләрен бозу очрагы ачыкланган. Мәсәлән: аек булмаган хәлдә транспорт чарасы белән 1 әлмәтле идарә иткән; куркынычсызлык каешын 5 кеше эләктермәгән; пассажирлар тарафыннан куркынычсызлык каешларын куллану кагыйдәләрен 2 кеше бозган.
Фото: Россия эчке эшләр министрлыгының Әлмәт районы буенча бүлегенең ЮХИДИ идарәсе
Следите за самым важным и интересным в Telegram-каналеТатмедиа
Оставляйте реакции
